Servizos
Implementación de Sistemas Aumentativos/alternativos de Comunicación
Acompañamos a familias de persoas autistas na implementación dun SAAC validando a comunicación da persoa, dando estratexias dende un enfoque respectuoso e utilizando a metodoloxía de Linguaxe Natural Asistido.
Método PACT
PACT (Pediatric Autism Communication Therapy) é unha terapia específica de comunicación para persoas autistas ou necesidades no ámbito da comunicación social desenvolta na Universidade de Manchester. O programa oriéntase a producir cambios na diada adulto-nen@ coa finalidade de mellorar a comunicación en persoas autistas.
É unha intervención mediada pola familia, quen desenvolve directamente a intervención e utiliza o videofeedback. As sesións realízanse de forma presencial ou en liña coa familia, cunha duración aproximada dunha hora e media, e teñen lugar cada dúas semanas. Entre cada sesión, as familias practican en casa uns 30 minutos diarios, dedicando ese tempo ao xogo compartido co neno ou a nena e aplicando as estratexias traballadas coa terapeuta durante a sesión.
Deste xeito, tanto o neno ou a nena como a súa familia avanzan paso a paso no desenvolvemento de habilidades comunicativas, de xogo e sociais. A medida que progresa a intervención, as destrezas adquiridas xeneralízanse de maneira natural a outras rutinas do día a día e a diferentes contornas.
Quero saber máis...
Os elementos clave en PACT oriéntanse a:
- Desenvolver a atención compartida, a resposta do adulto e a comunicación síncrona.
- O adulto adquire estratexias para simplificar a linguaxe, usar unha linguaxe consistente e rutinas axustadas ao nivel de desenvolvemento da linguaxe, comunicación e comprensión d@ nen@
- Provocar n@ nen@ comunicación intencional e iniciacións
- Nas ultimas etapas incorporar expansións e elaboracións na linguaxe do adulto para incrementar o repertorio verbal d@ nen@
- Xeneralizar habilidades a outros contextos naturais e resto de ámbitos da vida cotiá.
Acompañamento en contexto natural
Levamos a cabo a intervención en lugares onde o/a neno/a está e aprende, o seu contexto natural(fogar, colexio, parque, comunidade …)co obxectivo de xeneralizar aprendizaxes tendo en conta as necesidades de cada persoa autista e a súa familia.
Este enfoque busca aproveitar as situacións do día a día como oportunidades para apoiar o desenvolvemento, a comunicación, a interacción social e a autonomía.
Apoio individual a infancia e adolescencia autista
- Servizo de Logopedia
- Servizo de Terapia ocupacional
- Servizo de Psicoloxía
O noso enfoque de intervención é individualizado, desenvolvemos un traballo coordinado coa familia e o contexto educativo. O obxectivo é, comprender e acompañar as necesidades de cada nen@ ou adolescente autista, e as súas familias. Para iso e de forma colaborativa, desenvolvemos estratexias personalizadas, válidas e efectivas co fin de promover o benestar emocional, a comunicación, a socialización e autonomía.
Impartimos formación a familias, profesionais do ámbito educativo, clínico, asociacións ou entidades que acompañan a persoas autistas.
Temáticas
- Talleres para docentes:
- Educación inclusiva para alumnado dentro do trastorno do espectro autista.
- Necesidades de Apoio no alumnado autista.
- Recursos didácticos para alumnado TEA.
- Apoio conductual positivo e Benestar emocional.
- Implementación de SAACs.
- Talleres para compañeir@s do centro educativo co fin de sensibilizar e promover la comprensión e a inclusión do alumnado autista.
Formación
Asesoramos a familias en formato telemático que por motivos de horarios ou proximidade non poden recibir o servizo de acompañamento presencial.
Asesorías online
Ofrecemos Servizo de Evaluación e Diagnóstico mediante un proceso exhaustivo que combina a observación clínica coa administración de ferramentas específicas que foron validadas científicamente, como o ADOS (Escala de Observación para o Diagnóstico do Autismo) e o ADI-R (Entrevista Diagnóstica para o Autismo-Revisada), así como, as evaluacións de outras áreas de desenvolvemento como a linguaxe, a conduta ou o aprendizaxe.
Seguimos as indicacións das guías de boas prácticas para a evaluación e o diagnóstico e rexímonos polos sistemas de clasificación diagnóstica da saúde mental internacionalmente recoñecidos (CIE-11 y DSM-5).
Evaluación e diagnóstico
Talleres para familias
